Leiknir - Víkingur R

Leiknisvöllur, miðvikudag kl. 20.00

Andstæðingurinn: Víkingur Reykjavík hefur á að skipa afar vel-mönnuðu liði enda kostar það sennilega svipað og helmingur liðanna í 1.deild til samans. Fyrir einn Helga Sig gætu sennilega flest liðin í deildinni rekið deildina sína.
Helstu leikmenn Víkinga eru áður nefndur Helgi Sig sem er gríðarlega duglegur og öflugur senter sem hefur marga ölduna sopið í boltanum. Hann er þó gjarn á að henda sér niður og fá ókeypis aukaspyrnur útá nafnið eitt saman. Milos glagovac er sterkur miðvörður sem kann leikinn svo sannarlega. Hann á það þó til að væla og skæla í leikjum sem er óþolandi löstur í hans leik. Kristinn Magnússon er svo á miðjunni og þar fer reynslumikill leikmaður sem spilar vel frá sér og Þorvaldur Sveinn er einnig áhugaverður leikmaður en hann er lúnkinn og skemmtilegur á velli. Leiknismennirnir Pétur Örn Svanssson og Jakob Spangsberg leika svo einnig með Víkingum en þeir og þeirra stykur er öllum Leiknismönnum vel kunnugur.

Af ungum leikmönnum bera hæst Tómas Guðmundsson sem leikið hefur í bakverðinum uppá síðkastið og Sigurður Egill Lárusson sem er bróðir Dóru Maríu landsliðskonu. Hann er með skemmtilegan vinstri fót og á framtíðina fyrir sér.

Dómari: Leiknir Ágústsson fær það verðuga verkefni að dæma þennan stórleik. Ljóst er að mikið mun mæða á kappanum og vonandi að honum gangi vel.

Leiknisliðið: Hilmar Árni er snúin til baka frá Svíþjóð og Fannar Arnarsson er komin til baka úr banni. Það er ljóst að hópurinnn styrkist bara við þessi tíðindi. Kári Einarsson er aftur á móti dottinn út að nýju í meiðsli og leikur ekki meira í sumar.