Knattspyrnufélag Breiðholts - 28. júlí 2010 Share Í sterkri stöðu eftir stórsigur gegn Grundarfirði Höf. Elvar Geir Magnússon KB er nú aðeins skrefi frá úrslitakeppni 3. deildar þrátt fyrir að eiga þrjá leiki eftir í riðlinum. Úrslit gærkvöldsins gera það að verkum. KB vann 4-0 sigur á Grundarfirði á heimavelli þar sem öll mörkin komu í seinni hálfleik. Það var ansi vel mætt á Leiknisvöllinn í gær, vel yfir 100 manns létu sjá sig á leiknum. KB gat teflt fram mjög sterku liði og var notast við hið hefðbundna 4-4-2 leikkerfi. Valur (m) Óli Jóns (f) - DSJ - Andri - Jójó Siggi KR - Ingþór - Sævar - Gummi Stebbi - Doddi KB var með boltann u.þ.b. 75% af fyrri hálfleik en náði þó ekki að setja mark. Grundarfjörður fékk eitt dauðafæri í hálfleiknum sem Valur varði meistaralega. Staðan markalaus að loknum fyrri 45 mínútunum. Í seinni hálfleiknum fann KB loks leiðina í markið. Þórður Einarsson kom KB yfir strax á 46. mínútu og eftir það var þetta aldrei spurning. Gunnar Wigelund opnaði markareikning sinn fyrir KB í sínum öðrum leik. Hann kom inn sem varamaður og skoraði með sinni fyrstu snertingu. Þórður bætti svo við sínu öðru marki og lokaorðið átti Stefán Ingi Gunnarsson. Úrslitin 4-0. Fínasta frammistaða og flottur sigur. Mörkin hefðu þó vel getað orðið fleiri en markagræðgin var því miður aðeins of mikil hjá sumum sem reyndu skot úr erfiðri stöðu í stað þess að renna boltanum á lausan samherja. KB hefur nú sex stiga forystu á Skallagrím sem er í öðru sæti þegar þrjár umferðir eru eftir. Liðið er í flottri stöðu og getur tryggt sér sætið í úrslitakeppninni í næsta leik sem verður gegn Ými í Fagralundi helgina eftir Verslunarmannahelgina. Staðan í riðlinum - Tvö efstu liðin komast í úrslitakeppnina KB - Grundarfjörður 4-0 1-0 Þórður Einarsson (46.) 2-0 Gunnar Wigelund (70.) 3-0 Þórður Einarsson (75.) 4-0 Stefán Ingi Gunnarsson (81.) Dómari: Magnús Helgi Guðmundsson, dæmdi mjög vel. Á einhvern óskiljanlegan hátt náðu Grundfirðingar samt að vera vælandi nánast allan leikinn. Smelltu hér til að skoða skýrsluna frá leiknum