Andlát: Ólafur Garðarsson

Þann 30. ágúst síðastliðinn varð Ólafur Garðarsson bráðkvaddur. 76 ára að aldri. 

Óli fylgdi félaginu að svo að segja frá stofnun þess í gegnum syni sína. Fyrst sem foreldri á hliðarlínunni, svo sjálfboðaliði, stjórnarmaður, starfsmaður en fyrst og síðast sem dyggur stuðningsmaður. 

Óli var flestum sem í kringum félagið hafa staðið kunnugur. Fyrir störf sín í þágu félagsins hafði Óli verið sæmdru silfur- og gullmerki félagsins, sem og gullmerki KSÍ nú nýverið. 

Við kveðjum, minnumst og syrgjum dyggan Leiknismann. 

Óli verður jarðsunginn í Lindakirkju þriðjudaginn nk (12.sept) kl 13:00. Erfidrykkja verður svo í Leiknishúsinu að lokinni athöfn. 

Áfram Leiknir!