Bikargleði á Uppstigningardag
Fimmtudaginn næstkomandi er Uppstigningardagur og því frí hjá þorra fólks. Sama dag mætast Framarar og Leiknismenn í Safamýrinni í 32-liða úrslitum Mjólkubikarsins. Það er engin tilviljun.
Leikurinn hefst klukkan 14:00 og mun ekki vera sýndur í sjónvarpsútsendingu. Þetta er einnig að öllum líkindum í síðasta sinn sem Leiknir mætir Frömurum í Safamýrinni.
Stuðningsmenn félaganna ætla að hittast á Snóker og Poolstofunni í Lágmúla 5 klukkan 12:00 og skála í einum eða tveimur köldum og koma sér í gírinn með Pub Kvissi fyrir leik. Svo verður gengið yfir á völlinn.
Í sumar eru 5 ár síðan Leiknir var hársbreidd frá því að komast í úrslit Bikarsins svo þó að félagið sé ekki þekkt fyrir afrek í keppninni, hafa orðið undantekningar þar á.
Til skemmri tíma er líka mikilvægt að strákarnir okkar voru hársbreidd frá því að leggja KR-inga á útivelli um síðastliðna helgi og veitir ekki af því að klifra yfir þann hjalla gegn skemmtilegum Frömurum í bikarkeppninni áður en funheitir Blikar mæta með stórskotalið sitt á Domusnovavöllinn um helgina.
Sjáumst hress á Snóker og Poolstofunni og svo í Safamýrinni á þessum helga degi.
Hlekkur á upphitunarviðburðinn á Facebook
#StoltBreiðholts