Fyrsti heimaleikur á laugardagskvöld

Á laugardagskvöld, 8. maí, eigast við Leiknir og Breiðablik í fyrsta heimaleiknum okkar í Pepsi Max-deildinni þetta sumarið.

Leiknir mun taka á móti 200 áhorfendum á leiknum en út af samkomutakmörkunum er ekki leyfi fyrir fleiri. Athygli er vakin á því að árskortshafar munu ganga fyrir í miðasölu á leikinn.

Verið er að gera allt klárt á Leiknissvæðinu eins og sjá má á þessum myndum. Verið er að byggja fallegan pall við félagsheimilið sem mun bæta leikdagsupplifunina enn frekar.

Leiknisliðið æfði á æfingagrasinu í gærkvöldi, þar á meðal Máni Austmann sem er kominn aftur frá Bandaríkjunum. Máni er búinn að fara í bólusetningu og er klár í slaginn fyrir leikinn á laugardag.

laugardagur 8. maí
19:15 Leiknir - Breiðablik (Domusnovavöllurinn)