Fara á efnissvæði
IS EN PL
Magicut 1677150612624
Fréttir | 23.02.2023

Geir Þorsteins nýr framkvæmdastjóri Leiknis

Íþróttafélagið Leiknir hefur ráðið Geir Þorsteinsson sem nýjan framkvæmdastjóra félagsins. Hann hefur störf í byrjun mars og tekur við keflinu af Stefáni Páli Magnússyni. 

Geir þarf vart að kynna fyrir þeim sem þekkja til í íslenskri knattspyrnu en þar er hann öllum hnútum kunnugur. 

Geir er Vesturbæingur, fæddur 1964 og uppalinn KR-ingur hvar hann gengdi stjórnarstörfum og gerðist svo framkvæmdastjóri áður en hann færði sig til KSÍ. 

Í Laugardalnum átti Geir mörg farsæl ár sem framkvæmdastjóri í 10 ár og svo formaður í framhaldinu við frábæran orðstír enda má með sanni kalla þann tíma gullaldarár íslenskrar knattspyrnu á alþjóðavettvangi. 

Síðustu tvö ár hefur Geir sinnt framkvændastjórn hjá Skagamönnum og færir sig nú upp í Breiðholtið þar sem félagið er að ganga í gegnum margvíslegar breytingar á stórafmælisári. 

Stjórn Íþróttafélagsins Leiknis þakkar Stefáni Páli Magnússyni að sjálfsögðu fyrir samveruna og vel unnin störf síðustu ár á krefjandi tímum innan sem utan vallar. 

Við vonum að allt Leiknisfólk bjóði Geir Þorsteinsson velkominn til félagsins og hvetji til góðra starfa. 

#StoltBreiðholts