Leiknir 0-0 Víkingur
Markalaust jafntefli var niðurstaðan í rigningunni á Domusnovavellinum í kvöld þegar Íslandsmeistararnir úr Víkingi komu í heimsókn.
Gestirnir gerðu kröfu á vítaspyrnur en náðu ekki að skapa stór færi að öðru leyti. Okkar mönnum gekk áfram erfiðlega að koma boltanum yfir línuna eða nálægt henni en hreinn skjöldur og 1 stig verður að teljast ágætisniðurstaða í ljósi þess.
Næsti leikur er heimsókn suður með sjó gegn botnliði Keflavíkur á fimmtudagskvöld. Það er aldrei leiðinlegt að mæta þeim og aldrei verið mikilvægara að taka 3 stig. Sjáumst þar.